Ax bir bilsən mən səndən mən səndən nə dəmliyəm

152 Baxış

xanemirXanəmir Telmanoğlu

 

 

ya su niyə də

 

ey dili qafil fil faili məchul fani f…

 

 

Yaxşı sən deyən olsun axı bu ortamı

Uzaq başı bir dildə yar sözü ilə ovsunlarıq

Sonra da bozkırlarda yovşanlamış çadırların hikkəsi soyuyub

Uzaq başı tibetdə azdırılmış fərasətimizdir derik

Beləcə özünə quş bular qəblimdə fərəh tutan üqbanın səfaları

Dişləri dişlərinə dəydikcə xülyaları

Artarmış savaş öncəsi assuriyalıların

 

Mənə nə fürsəti faizsiz qaçıran o kapitalist cadugərdən mənə nə

Qalxıb təyyarəsini göydən oğurladığı yola süzəcək

İçimdə gizlənib gizildəyən mərasim həvarisinə süvar olub

Qəflə-qatırını ərəbin səhrasına düzən

Haydutu seyr eləməkmi peşəm

Tələsmə qırışlarım bəlkə  axirət xətləridir

 

Aax ax kirpiklənən gözlər qayçılı bələk

Haçalanan barmaqlar nəfəslənən burunlar

Haqq mənim haramın əndazəsidi ya su niyə də köpüklənməlidi

Yolun başında bir quşun uçuşu hansı işarəni yenilər fürsət bəllər

Sərmayəsi birikdcə göygöz kosanın

Xisləti köpəkləşər hürüşüylə hürləşər

 

 

az qalıram üşüyəm

 

ey dili qafil fil faili məchul fani f…

 

Titrəyən ayaqlarıyla torpağı qədəmləyən

Canında həvarilər ya da dərvişlər gizləyən

Ax bir bilsən mən səndən mən səndən nə dəmliyəm

Niyə dincəltməz məni ayağımı suyu ilə boğan ləyən

 

Ayaqqabısı sevincli papağı qəmli

Canında hava inlər bu qəliz işdir bəyim

Üz-gözündə hələ də yazısı bitməyən əliqələmli

Mən nə edirəm ki sənin xəttini bəyənirəm

 

Ağ-qara qapısı ünlü dünyanın qılığı kəndir

Cahangirin babası dindar

Cahangirin başı qarlı az qalıram üşüyəm donam

Ha yaşa ha sev ömrünün qalığı kəmdir

O sarıdan ehsanlığa getmir

Qobustan qayasındakı danam

 

 

 

 

 

 

 

 

 

 

 

 

 

Bölmə : Poeziya