Bax necə də , narazıymış yollardaykən ağaclardan

230 Baxış

sudabe

Südabə Babazadə 

 

  Bahar böyüyüb

Bax necə də , narazıymış

Yollardaykən  ağaclardan

Asfaltüstü  örtüklərdən

Sürücünün  söhbətindən.

Görüşürkən qonaqlardan

Olacağı hotellərdən

Bezikibmiş.

Ehtirasdan  məhəl gəlməz,

Nə sevgili, yad  bir  insan

Yarar olmaz bu həyatda-

Deyib calayarmış günlərini

illərini bizim Bahar.

Gözəl günlər, unudulmaz  xatirələr

Yaşayıbmış

Elə eyni mənzilində, elə eyni adamlarla-

Atası və anasıyla,

Qardaşları, bacısıyla.

Evlərinin fəsli olmuş

Bizim Bahar, uzun  illər!

Atası da bütün ömür-dövranında

Yaz  yaratmış  öz  qızına.

Bahar  içrə  yetişibmiş

Bizim Bahar!

Təbiətin fəsli varmış

Canlandırar o, torpağı

Tumurcuqlar dilə gələr,

Günəş gülər Yer üzünə

Barlandırar ağacları.

Amma bir də payız varmış…

Gözlərində  nəm  işartı

Yanaqları  tarımdadır

Bənizini soyundurmuş

Nə pamada, nə də sürmə gözə dəyir

Saçlarını qara  rəngli  bir  örpəyə  calaq  etmiş

Bizim Bahar.

Budur,  məclis qurulmuşdur

İnsanları qarşılayır, yola salır.

Başsağlığı yarışını başa vurub

Dincə gəlir.

Qollarıyla qıçlarını qucaqlamış

Baxışları bir nöqtədə,

Xeyli düşüncəyə gəlir.

Bu da yeni öhtəliklər-

Qara torpaq  üzərində qərənfildən  naxış  salmaq

Atasına soyuq  yurdda çiçəklərlə dayaq  olmaq

öz-özünü danışdırmaq…

Sorğusuna təkbaşına cavab tapmaq!

Bizim Bahar böyüyübmüş…

 

 

 

 

 

 

Bölmə : Poeziya
KÖŞƏ YAZARLARI
TOP 10