Gənclər arasında esse müsabiqəsi

11 Baxış

12Senet.az saytının Diasporla İş üzrə Dövlət Komitəsindən əldə etdiyi məlumata əsasən 18 oktyabr – Azərbaycanın Dövlət Müstəqilliyi Günü münasibətilə “Müasir Azərbaycanın memarı – Heydər Əliyev” mövzusunda esse müsabiqəsinə start verilib. Ryusiyada yaşayan azərbaycanlı gənclər üçün nəzərdə tutulan müsabiqə Azərbaycan-Slavyan Gənclər Assosiasiyasının (ASGA) Rusiya nümayəndəliyi, Ümumrusiya Azərbaycan Konqresi, Azərbaycan Mədəniyyətinin İnkişafı və İntibahı Fondunun, habelə Diasporla iş Üzrə Dövlət Komitəsinin dəstəyi ilə keçirilir.

Layihənin əsas məqsədi Rusiyada yaşayan azərbaycanlı gənclər arasında ulu öndər Heydər Əliyevin irsini təbliğ etmək, eyni zamanda, onlara Azərbaycanın müstəqillik tarixi haqqında məlumat verməkdir. Essenin məzmunu ümummilli liderin həyat və fəaliyyəti, Azərbaycanın müstəqilli tarixi mövzularını əhatə etməlidir.

Müsabiqədə iştirak etmək istəyənlər öz yazılarını 2016-cı il oktyabrın 1-dək azslavmoscow@mail.ru və diasporaz_rf@mail.ru elektron poçtuna göndərə bilər. Qaliblər diplom və qiymətli hədiyyələrlə mükafatlandırılacaq. Mükafatların təqdimat mərasimi oktyabrın 9-u saat 17:00-da Moskvada Azərbaycan icması evində keçriləcək .

Bölmə : Redaktorun seçimi