Özümüz – ESSE

12 Baxış

ilkin vahidGəl, hər şeyi “ataq”…

Bəli mən deyirəm bunu…
“Ataq “…
Həmişə sevgimizin gücünə inanan mən, bütün çətinliklərə qarşı sevgimizi qoyan mən!
Amma indi “ataq”deyirəm
Sənin dediyin kimi: “bizdən sevgili olmaz”
…hətta heç vaxt ….
“Dost?!”
Yox. Dost da ola bilmərik.
Bu faktdır.
Düzdü, biz bir-birimizsiz də yaşaya bilmirik.
Yarımçıq, natamam oluruq.
Nə tam xoşbəxt, nə də tam bədbəxt ola bilirik bir-birimizsiz.
Bəs nə?!
Sadəcə bir-birinin üznə baxib saatlarca səbəbsiz  gülən iki nəfər olaq ….
Tez-tez görüşməyəndə darıxan.
Bir-birimizin səsini eşitməyəndə kefsiz olan- iki nəfər olaq …
Yox, bu sevgili olmaq deyil.
Bu başqa bir şeydir, tamam başqa…
Heç kim baş açmasın münasibətimizdən.
Dost düşünsünlər bizi, amma dost olmadığımızı  anlasınlar.
Sevgili olduğumuz qərarına gəlsinlər, “yox  bu da deyil desinlər”.
Və biz sadəcə “Özümüz” olaq.
Bəli , “özümüz”.
Münasibətimizin adını da  “Özümüz qoyaq”.
Və bir-birimizin yanında özümüz kimi olaq .
Sadə, səmimi.
Heç nədən, heç kimdən çəkinməyək .
Sadəcə… Sadəcə  özümüz olaq!
İnsanlarin bacarmadığı  kimi…

 

İlkin Vahid Cəfəri

Bölmə : Nəsr, Ədəbiyyat
KÖŞƏ YAZARLARI
TOP 10