“Qızılbaş” hekayə müsabiqəsi davam edir

105 Baxış

18301886_1285589234829806_2468436902840573347_n

Yazıçılar Birliyinin 2017-ci ildən fəaliyyət göstərən Şah İsmayıl Xətai Komissiyası tərəfindən təsis edilmiş “Qızılbaş” Beynəlxalq Tarixi Hekayə Müsabiqəsi davam edir. Komissiyadan aldığımız məlumata görə, müsabiqənin keçirilməsində məqsəd Şah İsmayıl Xətainin adının, ideologiyasının, sənətinin əbədiləşdirilməsi, gənc qələm sahibləri arasında ədəbiyyata diqqətin artırılması və dövlətçilik ənənələrininə söykənərək Azərbaycan mədəniyyətini, tarixini tanıtmaq, Şah İsmayıla sahib çıxmaqdır.

Komissiyanın sədri f.ü.f.d. Şəımil Sadiq deyir ki, müsabiqəyə hekayələr gəlməkdə davam edir, hətta xeyli maraqlı imzalar var. “Əsasən gənc qələm əhlinin tarixi mövzulara müraciət etməsi sevindirici haldır. Tarixi hadisələrə yazıçı mövqeyi həmişə yozumlarda öz əksini tapıb, çünki yazıçı tarixçi deyil, onun gücü müəyyən tarixi kəsimdəki məlum hadisələrə necə bədii şərh verməyilə müəyyənləşir. Biz də bu prosesə təkan vermək istədik və məqsədimiz orta əsrlər tariximizdə şərəfli yeri tutan Səfəvilər dövlətini ümumilkdə mövzu kimi aktuallaşdırmaqdır. Bu dövr o qədər maraqlıdır ki, cild-cild kitablar yazmaq olar, nəinki hekayə. Odur ki, istedadlı imzaları bu müsabiqədə görməkdən şad olarıq”.

Qeyd edək ki, müsabiqə hər iki ildən bir keçirilir, qaliblərsə pul və kitablarla mükafatlandırılır. Müsabiqəyə hekayə göndərmək üçün son vaxt 2018-ci ilin mart ayının 1-dir və müəyyən edilmiş tarixi dövrə aid hekayələr göndərmək olar.

Müsabiqənin nizamnaməsiylə buradan ətraflı tanış ola bilərsiniz:

http://senet.az/qizilbas-beyn%C9%99lxalq-tarixi-hekay%C9%99-musabiq%C9%99si-nizamnam%C9%99/

Müsabiqəyə buradan qeydiyyatdan keçərək hekayə göndərə bilərsiniz:
http://senet.az/qizilbas-beynelxalq-tarixi-hekaye-musabiqesi-qeydiyyat/

ELEKTRON KİTABXANA
ustadejurnalyukle
USTAD / E-versiya
ustadejurnalyukle
KÖŞƏ YAZARLARI
TOP 10