Tərcümə əsərlərinin elektron bazası yaradıldı

9 Baxış

achiqkitab shekil_558931a9ad686

Azərbaycan Respublikasının Nazirlər Kabineti yanında Tərcümə Mərkəzinin “Açıq kitab” (http://achiqkitab.az/) elektron kitabxanası fəaliyyətə başlayıb.

Senet.az xəbər verir ki, kitabxana bu günə qədər ölkə üzrə Azərbaycan dilinə tərcümə olunan əsərləri arxivləşdirməklə yanaşı, yüzlərlə elmi, bədii, texniki, hüquq, tibb və digər sahələr üzrə ədəbiyyatların, mətn və materialların, lüğətlərin, habelə, tədris və dərs vəsaitlərinin, eləcə də müasir və klassik bədii ədəbiyyat nümunələrinin kataloqunu və əsərləri özündə cəmləyir.

Dünyanın aparıcı nəşriyyatları ilə mütəmadi əməkdaşlıq edən “Açıq kitab”Azərbaycan ədəbiyyatının, elmi-mədəni irsinin dünya dillərində, dünya ədəbiyyatlarının Azərbaycan dilində nəşrlərinə də öz səhifələrində yer ayırır. Kitabxanaya daxil olanlar burada Tərcümə Mərkəzinin nəşrləri ilə də tanış ola, “Xəzər” dünya ədəbiyyatı jurnalının, “Aydın Yol” ədəbi-ictimai qəzetinin onlayn versiyalarını izləyə bilər.

Bölmə : Sənət xəbər
KÖŞƏ YAZARLARI
TOP 10