“Türkologiya” jurnalının 2-ci sayı çapdan çıxıb

12 Baxış

TEZE UZLUK

Azərbaycan Milli Elmlər Akademiyasının Rəyasət Heyətinin təsisçisi olduğu Beynəlxalq “Türkologiya” jurnalının 2016-cı il üçün 2-ci sayı çapdan çıxıb.

Bu barədə Senet.az saytına məlumat verən jurnalın Məsul katibi Elçin İbrahimov, “Türkologiya” jurnalının bu sayında Azərbaycan, rus, ingilis və türk dillərində Rusiya, Türkiyə, Qazaxstan, Almaniya və Azərbaycan alimlərinin məqalələrinin yer aldığını, bundan əlavə jurnalın oxucularının dilçilik, ədəbiyat, folklor, fəlsəfə, tarix, yazılı abidələr və digər sahələrdə diqqətəlayiq elmi nümunələrlə qarşılaşacağını vurğuladı.

 AMEA-nın Rəyasət Heyətinin qərarı ilə jurnal artıq daha geniş istiqamətləri ehtiva edir. Beynəlxalq elmi jurnalın bu sayında “Türkoloji irs”, “Dilçilik”, “Ədəbiyyat və Folklor”, “Fəlsəfə və Tarix”, “Yazılı Abidələr” rubrikalarında yer alan nəzəri məqalələr, həmçinin “I Türkoloji Qurultay”ın 90 illiyi, “Kitabi-Dədə Qorqud” dastanının dünya elminə tanıdılmasının 200 illiyi, dünyada olan “Türkoloji mərkəzlər”, “Elmi həyat”, “Personalia”, “Nekroloqlar” bölmələrində toplanan yazılar oxucuların marağına səbəb olacaq.

Beynəlxalq elmi jurnalın qayəsi “Sovetskaya Türkologiya” jurnalının ənənələrinin davamı və türkologiyanı təkcə bu elmi istiqamətin deyil, digər elm sahələrinin mütəxəssisləri üçün də maraqlı etməkdir.

Bölmə : Əlfəcin