“Tutinamə” ikinci dəfə nəşr olunub

17 Baxış

14997550734468461169_1000x669

Türk mənşəli XIV əsr müəllifi Ziyaəddin Nəxşəbinin qələmindən çıxmış “Tutinamə” əsəri dünyanın ən məşhur sənət abidələrindən hesab olunur. Əsər dünyanın əksər dillərinə tərcümə olunaraq təkrar-təkrar nəşr edilib.

“Tutinamə”nin iki qədim əlyazma nüsxəsi Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda mühafizə edilir.

İnstitutdan Senet.az-a bildiriblər ki, bu elm müəssisəsinin əməkdaşı, filologiya üzrə fəlsəfə doktoru Əkrəm Bağırov həmin nüsxələr əsasında yazılı abidəni dilimizə tərcümə edib və əsər ilk dəfə 1991-ci ildə kiril əlifbası ilə yüksək tirajla (50 000) “Azərnəşr”də çap olunub. Bu günlərdə əsər ikinci dəfə latın qrafikasında “Kitab klubu MMC” tərəfindən nəşr olunaraq oxuculara təqdim edilib.