Bəxtiyar Vahabzadənin 90 illiyinə həsr olunmuş sərgi keçiriləcək

Avqustun 16-da xalq şairi, tanınmış dramaturq, ədəbiyyatşünas və ictimai xadim Bəxtiyar Vahabzadənin 90 yaşı tamam olur.

Yubiley çərcivəsində M.F. Axundov adına Azərbaycan Milli Kitabxanasında Bəxtiyar Vahabzadənin 90 illik yubileyinə həsr olunmuş “Bəxtiyar Vahabzadə -90” adlı geniş kitab sərgisi açılacaq. Avqustun 17-də baş tutacaq sərgidə xalq şairinin poetik istedadını əks etdirən kitablar nümayiş olunacaq.

Qeyd edək ki, Bəxtiyar Vahabzadə 2009-cu il fevralın 13-də Bakıda vəfat edib.