Böyük Teatrda "Traviata" operası

Mayın 9-dan 14-dək Rusiya Böyük Teatrında Cüzeppe Verdiyinin "Traviata" operası nümayiş etdiriləcək.

Senet.az teatrın saytına istinadla xəbər verir ki, mayın 10-da, 12-də və 14-də bu səhnə əsərində Jorj Jermonun partiyasını Azərbaycanın Əməkdar Artisti Elçin Əzizov ifa edəcək.

Elçin Əzizov 2008-ci ildən Böyük Teatrın solistidir. O, Pyotr Çaykovskinin "İolanta" və "Qaratoxmaq qadın", Sergey Prokofyevin "Üç portağal sevgisi", N.A.Rimski-Korsakovun "Çar gəlini", Jorj Bizenin "Karmen", Modest Musorqskinin "Boris Qodunov", Cüzeppe Verdinin "Traviata", "Don Karlos", Aleksandr Borodinin "Knyaz İqor" operalarında, İohan Ştrausun "Yarasa" operettasında yaddaqalan obrazlar yaradıb.