Çingiz Əlioğlu Belarusiyada mükafatlandırıldı

Belarus Respublikasının Prezidenti Aleksandr Lukaşenko Azərbaycanın Əməkdar incəsənət xadimi, tanınmış şair və tərcüməçi Çingiz Əlioğlunu “Fransisk Skorina” medalı ilə təltif olunması barədə fərman imzalayıb. Mədəniyyət və Turizm Nazirliyindən Kult.az-a verilən məlumata görə,Çingiz Əli oğlu Əliyev bu mükafata iki ölkə arasında mədəni və humanitar əlaqələrin inkişafına, Belarus mədəniyyətinin və ədəbiyyatının təbliğinə, informasiya və mətbuat sahəsində beynəlxalq əməkdaşlığın möhkəmlənməsinə sanballı töhfəsinə görə layiq görülüb.