"Dəlisov Maks" Rəssamlar Gildiyasının mükafatını qazandı

“Dəlisov Maks: Qəzəb yolu” filmi ABŞ Rəssamlar Gildiyasının mükafatına layiq görülüb. Mükafat filmdəki kostyumlara görə təqdim edilib. Gildiyanın mükafatları həmçinin “Danimarkalı qız” və “Köksüz heyvanlar” filmlərinə də verilib. “Dəlisov Maks: Qəzəb yolu” və “Danimarkalı qız” filmləri “Oskar”ın “kostyumlar üzrə ən yaxşı rəssam işi” kateqoriyasında nominantları sırasına daxildirlər. Gildiyanın mükafatının laureatı isə heç də hər zaman “Oskar” qazanmır. Lakin 2015-ci ildə bu “”Qrand Budaşpeşt” oteli” filminə nəsib olub. Televiziya nominasiyasında Rəssamlar Gildiyasının mükafatları “Amerikanın dəhşət tarixi: Otel”, “Nikerboker xəstəxanası” və “Taxtların oyunu” seriallarına verilib. Gildiyanın xüsusi mükafatı isə aktrisa Keyt Blanşetə nəsib olub. Bu mövsümdə o, Rəssamlar Gildiyasının mükafatlarına namizəd iki filmdə çəkilib. Bu filmlər “Zoluşka” və “Kerol”dur.