“Ən böyük Pikasso” sərgisi açılıb

Nyu-Yorkda yerləşən Müasir Sənət Muzeyində (MoMA) dünya şöhrətli ispaniyalı rəssam və heykəltəraş Pablo Pikassonun əsərlərinin ən böyük toplusunun yer aldığı sərgi açılıb.

“Ən böyük Pikasso” adlı sərgi tamaşaçıların böyük marağına səbəb olub. Muzey rəhbərliyi xarici mətbuata açıqlamasında bildirib ki,  Nyu-Yorkdakı Müasir Sənət Muzeyində son 50 ildə təşkil olunan ən böyük sərgidir. Ziyarətçilər P.Pikassonun əl işi olan 140 heykəllə tanış ola biləcəklər. Sənətkarı dünyaya tanıdan  əsərləri bir çox özəllikləri və orijinallıqları ilə diqqəti cəlb edir. Sərgi 2016-cı ilin fevral ayınadək ziyarətçilər üçün açıq olacaq.