“ƏSA” Teatrı “Yuxum” adlı yeni tamaşasını təqdim edib

Fiziki imkanları məhdud olan aktyorların oynadığı ilk Azərbaycan teatrı “ƏSA” mayın 2-də Azərbaycan Teatr Xadimləri İttifaqının səhnəsində Uilyam Şekspirin “Yay gecəsində yuxu” komediyası əsasında “Yuxum” adlı tamaşa təqdim edib.

Senet.az xəbər verir ki, tamaşanın quruluşçu rejissoru Şamil İbrahimov, rejissoru Nicat Qulamzadədir.

Kollektivin çıxışı böyük maraqla qarşılanıb.

Qeyd edək ki, “ƏSA” Teatrı daha əvvəl “DUMB Mərhələsinin Əsası” tamaşasını tamaşaçıların mühakiməsinə verib, bununla da Azərbaycanın teatr sənətində bir növ yeni mərhələnin başlanğıcını qoyub. Bu yaradıcı kollektivin fəaliyyətinin əsas məqsədi cəmiyyətin dıqqətini fiziki imkanları məhdud olan insanların problemlərinə cəlb etmək, onların cəmiyyətə inteqrasiyasına kömək göstərmək, aralarından gənc istedadları üzə çıxarmaqdır.