Əziz Nesinin əsəri Tiflis Dövlət Peşəkar Azərbaycan Dram Teatrının səhnəsində

    Heydər Əliyev adına Tiflis Dövlət Peşəkar Azərbaycan Dram Teatrının yaradıcı kollektivi tanınmış türk yazıçısı Əziz Nesinin “Öldür məni, əzizim” əsərini səhnələşdirib. Bu barədə Senet.az-a teatrın bədii rəhbəri Turqay Vəlizadə məlumat verib. Onun sözlərinə görə, tamaşanın premyerası yaxın günlərdə Tbilisidə, Kote Marcanişvili adına Dövlət Dram Teatrının səhnəsində baş tutacaq. Tamaşanın quruluşçu rejissoru və musiqi tərtibatçısı Giorgi Apxazavadır. Tamaşada rolları aktrisalar Aida Tağıyeva, Leyla Qasımova və aktyor Telman İsfahanlı ifa edirlər.