Gənc rəssamların əsərləri sərgilənəcək

İyunun 14-də “Art Tover” rəsm qalereyasında gənc və həvəskar rəssamların əsərlərindən ibarət sərgi açılacaq.

Senet.az xəbər verir ki, sərgi Mədəniyyət Nazirliyi və “İçərişəhər” Dövlət Tarix-Memarlıq Qoruğu İdarəsinin təşkilatçılığı, “Arts Council Azerbaijan” təşkilatının təşəbbüsü ilə reallaşacaq. Sərgidə fırça ustalarının fərqli üslubda və texnikada işlənən sənət əsərləri nümayiş olunacaq.

“Arts Council Azerbaijan” qeyri-hökumət təşkilatının bu sərgini təşkil etməkdə məqsədi gənc nəslin incəsənətə olan marağını daha da artırmaq və Azərbaycan rəssamlarını tanıtdırmaqdır.

Sərgi bir həftə ziyarətçilər üçün açıq elan ediləcək.