"Məryəm Ana" təriqətinə üzv olan rəssam

Senet.az məşhur rəssam Hieronimus Boş haqqında maraqlı məlumatları təqdim edir:                 XV əsr Avropasının məşhur rəssamlarından biri də Hieronimus Boşdur.  Rəssamın anadan olduğu il dəqiq bilinmir. Tarixi mənbələrə görə 1450-ci ildə olduğu güman edilir. Bu mənbələrdə vəfat ili isə 1516-cı il kimi göstərilib.      Boş anadan olduğu şəhərdən kənara addımını da atmamışdı. O, kariyerasına Katerdal üçün müxtəlif rəsmlər çəkməklə başladı.       1486-cı ildə xüsusi mərasimlə “Məryəm Ana” təriqətinə daxil oldu. 1488-ci ildə artıq onu rəssam kimi bütün ölkə tanıyırdı. Həmin ildən təriqətin tədbirləri onun evində keçirilməyə başladı.     1478-ci ildə Alayd van Mervenne ilə evləndi. Alayd cehiz olaraq ona Oirsçotda bir ev hədiyyə etdi.   Boşun atası, iki əmisi və babası rəssam idi. Hətta atasının ölümündən sonra onun yarımçıq qalan işlərini də Boş tamamladı.  O, əsərlərində ən xırda detalların da həqiqi kimi görünməyini istəyirdi. Onun “Dəliliyin müalicəsi” və “Saman arabası” adlı əsərləri bu qəbildəndir.     Hollandiya Krallığının İspaniyanı ələ keçirdiyi dövrdə Boşun əsərlərindən bəziləri oğurlandı. İspaniya kralı II Felipe onun ən böyük heyranlarından idi. Hətta Boşun əsərini öz yataq otağından asmışdı. Günümüzə qədər sənətçinin 30 əsəri gəlib çatıb. Onun əsərləri XX əsrdə yeni  sənət cərəyanlarının yaranmasına səbəb olmuşdu.