Rusiyalı yazıçı Valentin Rasputin vəfat etdi

Rusiyalı yazıçı Valentin Rasputin doğum günündə 78 yaşında dünyasını dəyişib

“O vəfat etdi. Dörd gün komada oldu. Vida mərasimi və dəfnlə bağlı məsələ həll olunur. Yəqin ki, vida mərasimi Moskvada olacaq. Onu İrkutskda dəfn edəcəklər” – deyə yazıçının nəvəsi bildirib.

Valentin Rasputin 15 mart 1937-ci ildə İrkutsk vilayətinin Atalanka Ust-Udinsk rayonunda dünyaya göz açıb. O, SSRİ Sosialist əməyi qəhrəmanı, Dövlət mükafatları laureatı olub.

Onun ən məşhur əsərləri “Matyora ilə vida”, “Fransız dili dərsi”, “Yaşa və xatırla”, “Yanğın”dır.