“Şair ömrü” filmi nümayiş edilib

Nizami Kino Mərkəzində görkəmli şair, tərcüməçi, Əməkdar incəsənət xadimi Tofiq Bayramın xatirəsinə həsr olunmuş “Şair ömrü” bədii-sənədli filmi nümayiş edilib.

Tədbirdə şairin ailə üzvləri, mədəniyyət və incəsənət nümayəndələri iştirak ediblər.

Ekran əsərinin ssenari müəllifi Günel Mehri, baş prodüser Elnur Teymuroğlu, qurluşçu rejissor Ruslan Hüseyn, qurluşçu operator Orxan Qurbanov, prodüser isə İbrahim Ağazadədir.

Məlumat verilib ki, portret janrında çəkilən filmdə süni intellekt texnologiyasından istifadə edilib.

Filmdə şairin şeirlərini səsləndirən bədii qiraətçi Xəzər Süleymanlı Tofiq Bayram yaradıcılığını dərin sevgi ilə izlədiyini vurğulayıb. Onun sözlərinə görə, böyük şairlərimizin əsərlərini daha geniş oxucu kütləsinə çatdırmaq əsas hədəfdir.

Daha sonra tədbir iştirakçıları “Şair ömrü” filmini izləyiblər.