Şəmil Sadiq Qazaxıstan Sənət Akademiyası tərəfindən mükafatlandırıldı

F.ü.f.d., dos Şəmil Sadiqə Qazaxıstan Sənət Akademiyası tərəfindən Xan Çapanı milli geyimi təqdim olunub. Hədiyyəni Beynəlxalq Kaşğari Fondunun rəhbəri Elxan Zal təqdim edib. O, sözügedən hədiyyənin əhəmiyyətindən bəhs edib: “Bu yaxınlarda Qazaxıstanda idim. Qazaxıstan Sənət Akademiyası dostumuz, dəyərli allimimiz Şəmil Sadiqə çatdırılması üçün mənə Xan Çapanını təqdim etdilər. Şəmil Sadiq türk dünyasının dəyərli şəxslərindən biridir. Onun istər elmi fəaliyyəti, istərsə də yazdığı əsərlər türkçülüyün inkişafına xidmət göstərir. Məhz buna görə də, Xan Çapanını ona verməkdən böyük məmnunluq hissi keçirirəm”. Şəmil Sadiq də belə bir hədiyyənin almağın böyük qürur keçirdiyini bildirib: “Mən Elxan Zala və Qazaxıstan Sənət Akademiyasının rəhbərliyinə öz təşəkkürlərimi bildirirəm. Bu hədiyyə həqiqətən də mənim üçün çox qiymətlidir. Sevinirəm ki, gördüyüm işlər, başqaları tərəfindən də yüksək qiymətləndirilir”.     [gallery ids="12504,12503,12502,12501,12500,12505"]