Xanəmir Telmanoğlu Azərbaycan ədəbiyyatının ən uğurlu 10 müəllifini seçir

Senet.az bu gündən yeni lahiyəyə start verir. Layihəyə əsasən yazıçılar son illərin ən uğurlu 10 çağdaş müəllifini seçir. İlk qonağımız Xanəmir Telmanoğludur. Onun seçimini təqdim edirik:

Təəssüf edirəm, 10-a qədər çıxa biməyəcəyəm!

1. 1.Aydın Talıbzadə – ƏBUHÜBB

Aydın müəllimin “ƏBUHÜBB”u, yazı manerası olaraq ilk dəfə ədəbiyyatımıza sərt şilləsini vurub batini mətnin mövzu içərisində bədiyyata, süjetə necə xidmət etməyini isbatlayır.

2.Səfər Alışarlı – Maestro

Səfər Alışarlının “Maestro”su gerçək nəsr nümunəsi olaraq yaşadığımız dönəmin gerçəkləri fonunda ustalıqla qələmə alınmış bir mövzunu əhatə edir.

3.Sərif Ağayar – Haramı

Şərifin “Haramı” yeni nəsrin yeni dönəm üçün heç də asan yaranmadığından xəbər verir. Nəsillər arası nəsr problemimizi yazı nəfəsiylə həll edir.

4.Murad Köhnəqal – Bulud Pinəçi

Murad Köhnəqalanın “Bulud pinəçi”si Azərbaycan dilində itirdiyimiz istiqanlılığımızı yazı tərziylə (hər şeydəki, hər detaldakı ilkinlikləri) dövriyyəyə qoşur.

5.Nərmin Kamal – Aç, mənəm

Nərmin Kamalın “Aç, mənəm” əsəri sadəcə olaraq, eksperimentlərə nəsrdə də gedə bilməyin cəsarətinə imza atır.

6.Orxan Fikrətoğlu – Ölü mətn

Orxanın Fikrətoğlunun “Ölü mətn” əsəri çağdaş dillə sufiyanə dünyanın yaraşığını təqdim edir.