“YARAT”da növbəti tədbir kukla rəssamlığına həsr ediləcək

Oktyabrın 4-də “YARAT” Müasir İncəsənət Mərkəzində “Rəssamla tanışlıq” layihəsi çərçivəsində növbəti tədbir kukla rəssamlığına həsr ediləcək.

Senet.az xəbər verir ki, layihənin budəfəki qonaqları tanınmış kuklaçı rəssamlar İrina Qundorina və Pərviz Hüseynov olacaq.

Tədbir çərçivəsində rəssamlar öz yaradıcılıqlarından söhbət açacaq, kukla sənəti tarixindən danışacaqlar.

Həmçinin mövzuya aid maraq doğuran suallar cavablandırılmaqla yanaşı, rəssamlar öz təcrübələrini bölüşəcəklər.