“Yenilik daxil edin, birləşin, çevirin”

Oktyabrın 20-dən 22-dək Portuqaliyanın paytaxtı Lissabonda “Horizon 2020” layihəsi çərçivəsində “Yenilik daxil edin, birləşin, çevirin” (“ICT 2015-Innovate, Connect, Transform”) mövzusunda sərgi-konfrans keçiriləcək.

Tədbir əməkdaşlıq əlaqələrinin qurulması və “Horizon 2020” layihələrində iştirak üçün geniş imkanlar açır.

Konfrans çərçivəsində təşkil edilən sərgidə dünyanın tanınmış alimləri və şirkətləri tərəfindən konsorsium qurmaq üçün tərəfdaşların müəyyənləşdirilməsi məqsədilə innovativ layihə təklifləri təqdim olunacaq.

“Horizon 2020” layihələri ilə bağlı hər il keçirilən beynəlxalq konfranslardan olan bu tədbiri Avropa Komissiyası və Portuqaliyanın “Fundaçao para a Ciencia e a Tecnologia” milli fond agentliyi birgə təşkil edəcək.